Astra-ն և Opus-ը վերծանել են Enigma-ի երկու չլուծված հաղորդագրություններ

Ալան Թյուրինգին ամենից շատ ճանաչում են նրա անունը կրող թեստով, սակայն նրա կյանքի ամենակարևոր փորձությունը Երկրորդ համաշխարհային պատերազմի տարիներին նացիստական Գերմանիայի օգտագործած Enigma-ի ծածկագիրը կոտրելն էր։ Հիմա երկու գաղտնագիր վերլուծաբաններ ասում են, որ OpenAI-ի և Anthropic-ի մոդելները բացել են Enigma-ի երկու հաղորդագրություն։

Տեքստերը տասնամյակներ շարունակ արխիվներում մնացել էին չընթերցված։ Սեպտեմբերի 25-ին այս մասին գրել է TechCrunch-ը։

Ինչու որոշ հաղորդագրություններ մնացին չվերծանված

Enigma մեքենաները կոդավորում էին գերմանական ռազմական կապը։ Թյուրինգի թիմը Բլեչլի Պարկում կառուցեց Bombe-ը՝ առաջին էլեկտրամեխանիկական համակարգիչներից մեկը, որի շնորհիվ Բրիտանիան կարդում էր այդ կապի մեծ մասը։

Չնայած դրան՝ արխիվում պահպանված մի քանի հաղորդագրություն չի վերծանվել։ Պատճառը սովորաբար թույլ տրված սխալն է՝ ոչ ճիշտ արտագրված ծածկագիրը կամ օպերատորի տպագրական սխալը, ինչը խախտում է դասական մեթոդների համար անհրաժեշտ օրինաչափությունը։

Astra-ն լուծումը գտավ երկու օրում

Ծրագրավորող Carter Leffen-ը OpenAI-ի ամենանոր մոդելին՝ Astra-ին, հանձնարարեց Enigma-ի հաղորդագրությունների բազայում գտնել չվերծանված տեքստ և բացել այն։ Մոդելն ինքնուրույն արխիվային հետազոտություն անցկացրեց, գտավ համատեքստային հուշումներ, կառուցեց Enigma-ի սիմուլյատոր և վերականգնեց այն հաղորդագրության բաց տեքստը, որը հետազոտողներին չէր հաջողվում վերծանել 2005 թվականից։ Astra-ի օգնությամբ Leffen-ը ստեղծեց նաև ինտերակտիվ կայք, որտեղ բացատրված է ողջ խնդիրը։

Անցյալ շաբաթ լուծումը ստուգեց Frode Weirerud-ը՝ թոշակի անցած էլեկտրատեխնիկ, որը ողջ կյանքում հետաքրքրվել է գաղտնագրությամբ և կառավարում է Crypto Cellar կայքն ու դրա հաղորդագրությունների բազան։ Նրա խոսքով՝ արդյունքը «զարմանք» է առաջացրել։

Weirerud-ը ուշադրություն դարձրեց մոդելի մատյանների մի մանրամասի. Astra-ն խոսում է «մասնավոր հավաքածուում» պահվող հաղորդագրությունների մասին, որոնք ինքը չի տեղադրում։ Նա դեռ չգիտի՝ մոդելը մուտք է գործել դրանք, թե ոչ, և ենթադրում է, որ դրանք համացանցում կարող էր կիսել մեկ այլ հետազոտող կամ մոդելը հասել է Գերմանիայի հանրային արխիվներին։

«GPT-6 Astra-ն իրեն պահում է պրոֆեսիոնալ գաղտնագիր վերլուծաբանի պես», գրում է նա։ «Այն, ինչին հասավ երկու օրում, մարդ հետազոտողին կպահանջեր շաբաթներ կամ ամիսներ։ Անձամբ ես մի քանի շաբաթ ծախսեցի Bundesarchiv-ի այն ֆայլերի ուսումնասիրության վրա, որոնք հիշատակում է GPT-6 Astra-ն»։

Երկրորդ լուծումը և մնացած յոթ հաղորդագրությունը

Սեպտեմբերի 21-ին մեկ այլ գաղտնագիր վերլուծաբան՝ Jack Willis-ը, կապվեց Weirerud-ի հետ և հայտնեց, որ Anthropic-ի Claude Opus 5-ով բացել է մեկ այլ չվերծանված հաղորդագրություն։ Մոդելը ավելի մանրամասն ցուցումներ ստացավ, և տեքստը բացվեց կոնկրետ սպայի անվան հայտնի ստորագրությամբ։

Weirerud-ի խոսքով՝ Enigma-ում մնացել է յոթ չվերծանված հաղորդագրություն, ևս մեկում բաց տեքստը հայտնի է, իսկ ծածկագիրը՝ ոչ։ Նրա կարծիքով՝ դրանք նույնպես երկար չեն մնա չբացված։