Shopify-ը մոբայլ հավելվածները React Native-ից տեղափոխում է Swift և Kotlin
Shopify-ը մոբայլ հավելվածները React Native-ից տեղափոխում է լիարժեք նատիվ Swift և Kotlin. Ըստ ընկերության՝ AI ագենտները երկու պլատֆորմի համար առանձին կոդ գրելը դարձրել են ավելի էժան, քան ընդհանուր կոդբազը։
Ինչ է պատահել
Shopify-ը մոբայլ հավելվածները React Native-ից վերադարձնում է ամբողջովին նատիվ կոդի՝ Swift և Kotlin-ի։ 2020 թվականին ընկերությունն ամբողջ ուժով անցել էր այս ֆրեյմվորքին, և դեռևս 2025-ի հունվարին հայտարարում էր, որ կշարունակի ներդրումները։
Ինչու փոխվեց հաշվարկը
Կոդ գրող մոդելների պատճառով։ Shopify-ը LLM-ներ օգտագործում է 2021 թվականից. 2025-ի վերջին նրա ագենտները կարողանում էին Android-ում ֆունկցիա իրականացնել՝ հղում անելով iOS տարբերակին, օգնել ինժեներներին աշխատել իրենց հիմնական սթեքից դուրս և էժանացնել պլատֆորմների համաժամեցումը։ Swift-ով ու Kotlin-ով վերակառուցված նախատիպերը ցույց տվեցին, որ նատիվ մշակումն այլևս 2020-ի չափ թանկ չէ։
Ինչ է սա նշանակում
React Native-ը «շարունակում է մնալ հիանալի ֆրեյմվորք», ասում են ընկերությունում։ Shopify-ը կշարունակի հովանավորել React Native Skia-ն մինչև 2026-ի վերջը, որից հետո հեղինակ Ուիլյամ Քանդիյոնը գրադարանը կհրապարակի նոր անունով։ AI ագենտներն այժմ մասնակցում են նաև ճարտարապետական որոշումներին։