Verda-ն Emergence Capital-ի գլխավորությամբ ներգրավել է 189 մլն դոլար և դարձել Եվրոպայի նոր միաեղջյուրը

Հելսինկիում հիմնված AI ամպային ենթակառուցվածքի Verda ընկերությունը սեպտեմբերի 22-ին հայտարարեց 189 մլն դոլար (163 մլն եվրո) նոր ֆինանսավորման մասին։ Փաթեթի կենտրոնում Emergence Capital-ի գլխավորած, պահանջարկը գերազանցած (oversubscribed) Series B ռաունդն է և լրացուցիչ ներդրումը։ Ընկերության գնահատումը գերազանցում է 1 մլրդ դոլարը, ընդհանուր ֆինանսավորումը՝ 450 մլն դոլարը. դա Verda-ին դարձնում է Եվրոպայի նորագույն միաեղջյուրը։

Ով է ներդրում անում

Emergence Capital-ից բացի ռաունդին մասնակցել են MUFG Innovation Partners-ը, Supermicro-ն, Varma Mutual Pension Insurance Company-ն, Lifeline Ventures-ը, 6 Degrees Capital-ը (6DC), byFounders-ը և Ֆինլանդիայի պետական Tesi ընկերությունը։ Հրեշտակ ներդրողներն են Ola Tørudbakken-ը և Mark Saroufim-ը (Core Automation և GPU MODE)։

Ընկերությունը հիմնադրվել է Հելսինկիում 2020 թվականին որպես DataCrunch, իսկ 2025-ի նոյեմբերին վերանվանվել է Verda և հայտարարել 64 մլն դոլարի Series A ռաունդ։ 2026-ի ապրիլին Lifeline Ventures-ի գլխավորությամբ ներգրավել է 117 մլն դոլար. Nordic Investment Bank-ի միանալուց հետո գումարը հասել է 155 մլն դոլարի։

Ինչի համար է նախատեսված գումարը

Ընկերության խոսքով՝ նոր ֆինանսավորումը կարագացնի արտադրանքի զարգացումը ամպի բոլոր մակարդակներում՝ հաշվողական հզորությունից մինչև AI գործակալներ ստեղծող թիմերի համար նախատեսված պլատֆորմային ծառայություններ։ Հատուկ շեշտադրում կարվի inference-ի վրա, իսկ հաջորդ տարում Verda-ն մտադիր է մի քանի անգամ ավելացնել հաշվողական հզորությունը։

Verda-ն կառավարում է ամբողջ ստեկը՝ տվյալների կենտրոններն ու սարքավորումները, ամպային պլատֆորմը և AI հետազոտությունները։ Ֆինլանդիայում և Իսլանդիայում գտնվող կենտրոնները աշխատում են վերականգնվող էներգիայով, ինչը, ըստ ընկերության, թույլ է տալիս գներ սահմանել մինչև 90%-ով ցածր AWS-ի, Azure-ի և Google Cloud-ի համեմատ։ Verda-ն NVIDIA-ի Preferred գործընկեր է, հաճախորդների թվում են Nokia-ն, 1X-ը, ExpressVPN-ը և Freepik-ը։

Աճ և ընդլայնում

Հուլիսին Verda-ն գրանցել է տարեկանացված եկամտի ցուցանիշ (run rate)՝ 165 մլն դոլար. ապրիլի ռաունդի ժամանակ այն գերազանցում էր 60 մլն դոլարը։ Ընկերությունում աշխատում է շուրջ 250 մարդ. գրասենյակներ են բացվել Լոնդոնում և Սան Ֆրանցիսկոյում, ծրագրվում է ընդլայնում Եվրոպայում և Ասիայում։

Ինչու է դա կարևոր

Ըստ Bloomberg-ի՝ Verda-ն 2026 թվականին մտադիր է ներգրավել մինչև 1,5 մլրդ դոլար սեփական կապիտալի և պարտքի տեսքով, 2027-ին՝ մինչև 10 մլրդ դոլար։ Emergence Capital-ի գլխավոր գործընկեր Joe Floyd-ը նշել է, որ AI հաշվողական հզորության պահանջարկի և առաջարկի միջև բացը մեծանում է։

«AI-ն ոլորտներում դառնում է կրիտիկական ենթակառուցվածք, իսկ առաջիկա տարիները Եվրոպայի համար վճռորոշ են»,— ասել է Verda-ի հիմնադիր և գործադիր տնօրեն Ruben Bryon-ը։