DeepSeek Harness-ის დეველოპერ-პრევიუ: ყველაფერი პლაგინია

DeepSeek-მა Harness-ის — საკუთარი აგენტური გარემოსი (agent harness) — დეველოპერ-პრევიუ გამოუშვა. კოდი ღიაა და GitHub-ზეა ხელმისაწვდომი. კომპანიის განმარტებით, აგენტის „სული" მოდელია, ხოლო ჰარესი — ის გარემო, რომელიც მოდელს საშუალებას აძლევს, გაიგოს გარემო, გამოიყენოს ხელსაწყოები და რეალურ პირობებში მუშაობა გააგრძელოს.

ყველაფერი პლაგინია

Harness Cordis-ის პლაგინურ სისტემაზეა აგებული. მოდელები, ხელსაწყოები, უნარები (skills), სესიები, სენდბოქსები, შენახვა, მარყუჟები, დაგეგმვა და ინტერფეისი ცალკეული პლაგინებია, რომლებიც ერთმანეთთან Cordis-ის სერვისებითა და მოვლენებით ურთიერთობენ. დეველოპერს კონფიგურაციიდან შეუძლია ნებისმიერი შესაძლებლობა აირჩიოს, შეცვალოს ან გააფართოოს — Harness-ის კოდის შეცვლის გარეშე. გაშვება კი მარტივია: npx @deepseek-ai/dsh web.

ყოველი გაშვება მიკვლევადია

ყველაფერი, რასაც მოდელი ხედავს, მხოლოდ-დამატებად (append-only) სესიის ლოგში ინახება: სისტემური პრომპტები, მსჯელობა, ხელსაწყოების გამოძახებები და მათი შედეგები, ქვეაგენტების დაგეგმვა და კონტექსტის ყოველი ინექცია. Trajectory ხედში ამ ჩანაწერების წყაროს მიხედვით დათვალიერება შეიძლება, ხოლო გაგრძელება, განშტოება, ძიება და ხელახლა გაშვება ერთსა და იმავე მოვლენათა ნაკადს ეყრდნობა.

ოთხი რეჟიმი

Standard რეჟიმი სრულ ხელსაწყოთა ნაკრებს გთავაზობთ: ფაილების რედაქტირება, shell, ფაილებსა და ვებში ძიება, უნარები, დაგეგმვა, მიზნები, ქვეაგენტები და სამუშაო ნაკადები. Code რეჟიმში იგივე შესაძლებლობები Code Mode SDK-ის მეშვეობითაა ხელმისაწვდომი, რათა მოდელმა მრავალსაფეხურიანი ოპერაციები ერთ TypeScript პროგრამაში გააერთიანოს. Minimal რეჟიმი მხოლოდ ორ ხელსაწყოს ტოვებს — მუდმივ bash-სა და str_replace_editor-ს — მოდელების მინიმალურ გარემოში შესადარებლად. Creator რეჟიმი კი გაშვების გარემოს დათვალიერებას, Cordis პლაგინების მეხსიერებაში ტესტირებას და ახალი პრესეტების აწყობის სახელმძღვანელოს ამატებს.