Microsoft-მა Copilot-ს ლოკალურ ფაილებზე წვდომა და Windows-ზე მოქმედებების შესრულების შესაძლებლობა მისცა

Windows-ისა და Surface-ის ღონისძიებაზე Microsoft-მა წარადგინა Copilot-ის AI სისტემის განახლება, რომელიც მას მომხმარებლების პერსონალურ კომპიუტერებზე ლოკალურ ფაილებზე წვდომას და ოპერაციულ სისტემაში მოქმედებების შესრულების შესაძლებლობას მისცემს. ეს შესაძლებლობები იმ იდეის ნაწილია, რომელსაც Microsoft „Hybrid Intelligence“-ს უწოდებს და სადაც აპები და ხელსაწყოები დავალებების ეფექტიანად შესასრულებლად ლოკალური და ღრუბლოვანი AI მოდელების ნაზავს ეყრდნობიან.

Hybrid Intelligence მოქმედებაში

იმის საჩვენებლად, თუ როგორ მუშაობს Hybrid Intelligence, Microsoft-ის Copilot-ის EVP ჯეიკობ ანდრეო სცენაზე ვიდეოდემონსტრაცია წარადგინა, სადაც Microsoft-ის Autopilot ხელსაწყოს საგადასახადო დეკლარაციის შევსებაში დახმარება სთხოვა. ანდრეომ AI აგენტს უთხრა, რომ ბუღალტრისგან წერილი მიიღო, და Autopilot-ს სთხოვა, ბუღალტრისთვის ის მიეწოდებინა, რაც მას სჭირდება.

შემდეგ Autopilot-მა Hybrid Intelligence-ით სხვადასხვა საქაღალდეში მოძებნა დოკუმენტები, გადაარქვა ფაილებს სახელები, შეკუმშა ისინი zip-არქივში, შეადგინა ბუღალტრისთვის გასაგზავნი წერილი და დაურთო zip-ფაილი. ანდრეოს თქმით, Hybrid Intelligence-ზე დაფუძნებული ფუნქციები Copilot-ში „მომდევნო რამდენიმე თვეში“ გამოჩნდება.

Windows-ში ძიების ახალი გამოცდილება

Microsoft-მა ასევე წარადგინა Windows-ში ძიების ახალი გამოცდილება, რომელიც მომხმარებლებს საძიებო ზოლიდან სწრაფი მოქმედებების შესრულების საშუალებას აძლევს, მაგალითად, მუქი რეჟიმის ჩართვას, მიკროფონის ხმის აწევას ჩაშენებული სლაიდერით ან თუნდაც ტექსტური შეტყობინების გაგზავნას. Microsoft-ის Windows-ისა და Surface-ის ხელმძღვანელის პავან დავულურის თქმით, ახალი გამოცდილება ამ შემოდგომიდან იქნება ხელმისაწვდომი Windows 11-ის პერსონალურ კომპიუტერებზე.

წყაროები: Theverge