Veasy სიუჟეტს ვიდეოდ აქცევს: Remotion-ის კადრები, Gemini-ის ქართული ხმა, კაპშენები, მუსიკა და შემოწმებული გამოსავალი, ბრენდის პაკეტით ნებისმიერი კლიენტისთვის.

Veasy არის SiTech-ის ვიდეო ძრავი აგენტებისთვის, KAeasy-ის და. თუ KAeasy ქართულ ტექსტს წერს და ამოწმებს, Veasy იმავე ტექსტს კადრებად, ხმად და კაპშენებად აქცევს.

რას აკეთებს

შესასვლელი ერთი სიუჟეტია: სათაური, ნარაცია და სცენები. გამოსავალი მზად ვიდეოა, სადაც კადრები Remotion-ის კომპოზიციებით იხატება, ხმა Gemini-ის სინთეზით იქმნება, სიტყვები აუდიოს დონეზე სწორდება, მუსიკა კატეგორიით შეირჩევა და ყველაფერი ffmpeg-ით ერწყმის ერთ ფაილს.

მეორე რენდერი HyperFrames-ის კომპოზიციური ლეინია, სადაც აგენტი კადრს თავად აწყობს HTML-ით, ხოლო Veasy აძლევს ხმას, კაპშენებს, მედიას, მუსიკას და შემოწმებებს. ეს გზა ღიაა ნებისმიერი ფორმატისთვის, მათ შორის ჰორიზონტალური ვიდეოსთვის.

რას ნიშნავს ბრენდის პაკეტი

ერთი კლიენტის ვიდეოს განსხვავებას ფერები, ლოგო, ბმული, ფუტერი, ხმა და კატეგორიები განსაზღვრავს. Veasy-ში ეს ყველაფერი ერთ საქაღალდეშია და ბრენდის პაკეტი ჰქვია. ახალი კლიენტი ახალი საქაღალდეა, კოდი არ იცვლება. დღეს ორი პაკეტია: sitech და tbilisi.today, რომელიც პირველი კლიენტი იყო.

კარიბჭეები

ვიდეო გამოქვეყნებამდე რამდენიმე შემოწმებას გადის. სიუჟეტის წესები ამოწმებს, რომ ციფრები და სახელები წყაროს ემთხვეოდეს, ქართული ტექსტი KAeasy-ის მკაცრ ლინტერს გადის, კაპშენები სტაბილურად რჩება, ხოლო ყოველი რენდი საკუთარ კადრს იკვლევს და გადაფარვასა და მოჭრას ეძებს. ჩავარდნილი ცდები მეხსიერებაში ინახება, რომ იგივე შეცდომა აღარ გამეორდეს.

რიგი და ერთჯერადობა

ყოველ ვიდეოს რიგი იცავს: ერთი სამუშაო ერთხელ კეთდება, გამართული მიზეზით ჩავარდნილი ცდა მეორდება, ხოლო ფაილები ერთი სახელდების სქემით ერთ ადგილას ინახება. ამიტომ აგენტს არ სჭირდება იმის გახსენება, რომელი ვერსია სად დევს.

დღევანდელი მაგალითი

პირველი ქართული ვიდეო ამ ძრავით კრიპტობირჟა Bitget-ის ინციდენტზეა: 22,8 წამი, 1080x1920, ქართული ხმა, ოთხი სცენა და სუფთა QA შედეგი. სცენარი ჩვენი ბლოგის სტატიიდან ავიღეთ, ტექსტი KAeasy-ის კარიბჭემ გაატარა, კადრები კი ძრავმა თავად აწყო.

რა არის შემდეგი

ჰორიზონტალური 16:9 ფორმატი, რომ იგივე სიუჟეტი YouTube-სა და პრეზენტაციისთვისაც იყოს მზად, და უფრო მეტი ფორმატი: განმარტებითი ვიდეოები, მონაცემთა ისტორიები და პროდუქტის ფილმები.

ამავე თემაზე: KAeasy: ქართული წერის ხელსაწყოები ხელოვნური ინტელექტის აგენტებისთვის

Veasy: SiTech-ის ვიდეო ძრავი აგენტებისთვის